Sedilo est postu in sa Campeda, prena de molas e matas, cara de s'adde de su Tirsu.

B'at tistimoniantzas de sa presentzia de s'omine in tempos antigos meda. A Iloi bi est su numeru prus mannu de domus de janas de totu sa Sardinna, acanta a unu nuraghe a tres turres, a tumbas de zigante e a biddigheddas.

Sa cresia mazore de Santu Juanni est de su 1400, sa parte 'e nanti de su 1700.

Sa idda est muntovada in su Condaghe de S. M. de Bonacatu, in su libru de sas degumas, in sacordu de paghe fatu dae Eleonora de Arborea cun sos aragonesos.

A sa fine de su marchesau de Aristanis fuit zada in feudu a G. de Requenses, poi est passada a sa famillia Torresani e a sos contes de Cervellon fintzas a su 1725, cando est torrada a sa Corona. In su 1737 fuit marchesau, prima cun sos Solinas, posca cun sos Delitala, fintzas a su 1839.

Sa zente at biviu de su traballu de sartu, laore e pastoritzia. [...]

dàe "Su Guilcieri. Faeddos, fainas e ainas"

de Costantina Frau